• Spisil ja’ yaloj te Dios, sok k’axel toj me ay.

Jch’uunejtik te sesenta y seis libroetik yu’un te Antiguo sok te Ach’ Testamanto te bit’il ayik ta banti textos Masoréticos sok ta Mayoría (Textus Receptus), ja’ik nax me yaloj Dios in to; sok te inspiración verbal me sok plenaria, ta swenta in to, ya jk’an ya kalbeytik sk’oplal te k’opiletik sok te letraetik spisil ja’ yaloj te Dios. Jch’uunejtik te smelelil te Dios, la sk’ases te smelelil ta stojol winiketik te tojtesbilik yu’un te Ch’ul Espíritu, jich yu’un te “Bitik Ts’ubibil” k’axel toj me ay.

• Preservación

Jch’uunejtik te Biblia kanantaybil yu’un ta spisil ora sok ya skanantay beel te Dios. Jch’uunejtik te Dios yaloj, ta Antiguo sok ta Ach’ Testamento, te ya skanantay te K’opiletik yu’un jich te bit’il la yak’ ta banti textos originales ta hebreo/arameo sok ta griego. Jch’uunetik te Dios spisil ora skanantayoj ta lek te K’opiletik yu’un, sok ya me cha’ jpastik afirmar te xch’uunjel kot’antik jich te bit’il la sts’ibuyik ta confesión yu’unik te namey bautistaetik ta Londres ta ya’wilal 1677, sok ta 1689. Jich ya yal jun parte: Te Antiguo Testamento ta Hebreo (ja’ me mero sk’opik te lum yu’un namey te Dios) sok te griego Neotestamentario (te k’alal la yich’ ts’ibuyel na’bil me sba yu’un te yantik nacionetik) te bit’il ja’ yaloj te Dios, sok te skanantayoj ta lek ta spisil ora, jich yu’un mero smelelil me.

• Autoridad

Jch’uunejtik te Biblia ja’ te banti ya yak’ ta na’el te sk’anjel yot’an te Dios ta stojol te winik, sok ya yak’ regla te ma stij sba, ja’ chikan bila ya yal te Biblia ta bila ya yich’ chapel sok te bi swentailuk. Jch’uunejtik te ja’ chikan stukel te bila ya yal te Biblia, ma xtuun xan ku’untik bitik yan, ja’ nax ya stak’ ya smuk’ulin kot’antik, sok ja’ me ya sjunantes spisil ora te jch’uunjeletik, sok ja’ muk’ul regla yu’unik, jich yu’un spisil stalel ch’ich’ bak’et, bitik ya yich’ ch’uunel, sok snopjibal ya me yich’ ilel ta Biblia. (Salmos 119:89; Isaías 40:8; Mateo 5:18; 15:4-6; Marcos 12:36; Juan 10:34-35; Hechos 1:16; Romanos 3:1-4; Gálatas 3:16; II Timoteo 3:15-17; Hebreos 4:12; I Pedro 1:24-25; II Pedro 1:19-21; Apocalipsis 22:18-19).

Jch’uunejtik te kolel ta stojol te mulawiletik ja’ me ya sjajtses te Dios sok ya yich’ik ak’beyel ta swenta nax yutsil ot’anil ta swenta te yat’el te Jesucristo jich’ bit’il k’asesej k’op, sok Snich’an Dios, te ja’ jich ak’bil yu’un te Tatil, spasemal yot’an la yich’ sbak’etal jich bit’ilotik, pero mayuk me smul, la spas te ley yu’un Dios ta swenta ch’uunel mandal yu’un, ja’ jich la yak’ sba ta Koltaywanej ku’untik; ta swenta te la smal xch’ich’el, la spas te bila ya sk’an ta swenta mulil te Dios te ch’ulajem sok toj; ma me yu’unuk ay smul te bit’il la yak’ sba ta majt’anil yu’un mulil, ja’ me la smakbey slugar te mulawil, te mach’a Toj laj ta stojol te mach’a maba toj yot’an, Cristo te Kajwaltik la yak’ ta stojol te jmultik ta banti cruz, sok te bit’il ch’akux tel ta ailmailetik, ta ora to, nakal me ta banti snaktijib ta Ch’ulchan. Ta spisil, ja’ nax me Jkoltaywanej, te ay yutsil yot’an.

• • Te Stsakel

Jch’uunejtik te kolel ja’ me yat’el te Dios, te ja’ ya sjajtses sok ja’ ya slajin, sok te winik te ma ba sujt’esej yot’an mayuk bila ya stak’ spas ta stukel swenta ya skoltay sba. Jich yu’un, te Dios ya spas ta mandal te winik te yakuk xch’uun te Kawaltik Jesucristo te ja’ nax jich ya yu’unin te kolel. Te sujt’esel ot’anil, ja’ me te sjeltayel snopjibal ku’untik ta stojol te Dios te ja’ yat’el te Ch’ul Espíritu, sok ja’ me parte yu’un te ch’uunjel ot’anil te ya xkoltaywan. (Efesios 2:8-9; Hechos 15:11; 16:30-31; Romanos 3:24-25; Juan 3:16; Filipenses 2:7-8; Hebreos 2:14-17; Isaías 53:4-7; I Juan 4:10; I Corintios 15:3; II Corintios 5:21; I Pedro 2:24).

• • Te yutsil ot’anil, sok te bejk’ajel ta yach’il.

Jch’uunejtik te jmulawiletik ya me sk’an xbejk’ajik ta yach’il swenta ya staik te kolel; te bejk’ajel ta yach’il ja’ me te chiknantesel ta yach’il ta banti Cristo Jesús; ya yich’ ak’el ta ora ma me ba ta k’unk’untik; ta banti bejk’ajel ta yach’il, te mach’a lajem ta skaj xk’axintayel mandal sok muliletik, la me yich’ix ak’el sparte ta xkuxlejal Dios, sok la yich’ix te kuxlejal sbajt’el k’inal, te ja’ majt’anil yu’un Dios; te yach’il chiknantesel ja’ me yat’el te Dios ja’ nax ta yu’el te Ch’ul Espíritu ta swenta ch’uunjel ot’anil ta bantil smelelil lek yach’il k’op. (Juan 3:3, 8; 5:1; Hechos 16:30-31; Romanos 6:23; I Corintios 15:1-14; II Corintios 5:17; Efesios 2:1-9; Colosenses 2:13; II Pedro 1:4; I Juan 5:1-13).

• • Te toj ot’anil

Jch’uunejtik te toj ot’anil ja’ me te k’alal ya yal Dios te tojix yot’an te jch’uunjel, ja’ ta swenta te toj ot’anil yu’un Cristo te ak’bilix ta scuenta; ya me yich’ ak’el, ma ba ta swenta spasel at’eliletik yu’un toj ot’anil, ta swenta nax me ch’uunjel ot’anil ta xch’ichel te Jkoltaywanej. (Romanos 3:24; 4:4-5; 5:1, 9; Gálatas 2:16; Filipenses 3:9).

• • Te seguridad yu’un te mach’atik ch’ultesbilik

Jch’uunejtik te spisil te mach’a smelelil bejk’ajem ta yach’il, yich’ojik k’ejel sbajt’el k’inal yu’un te Dios Tatil ta stojol te Jesucristo. (Juan 10:28-29; Romanos 8:35-39; Filipenses 1:6; Judas 1).

• • Te ch’ultesel

Jch’uunejtik te ch’ultesel yu’un te Dios ta stojol te jch’uunjel ja’ me te ya yak’ ta parte te ch’uunjel ta stojol te Dios sok te mulil. Te ch’ultesel ja’ik me in to: te sbabial, ak’el ta banti ch’ultesel; ta xchebal, ch’ultesel ta ora to; sok ta yoxebal, te ts’akal ch’ultesel. (Romanos 6:5-6; Efesios 1:4, 18; I Tesalonicenses 1:9).

1. Te ak’el ta ch’ultesel

Ja’ me yat’el te Dios Tatil, ta swenta in to, te ch’uunjel ya me yich’ alel te ch’ultesbilix sok mayukix smul. Ja’ in to, ja’ me ta swenta te at’el te la spas te Cristo te la smal xch’ichel. Jich bit’il jun acta yu’un Dios, te ak’el ta ch’ultesel, la me yich’ tael ta swenta Cristo te bit’il laj, mujk sok cha’kux; ta banti ak’bilix te jch’uunjel mayuk mach’a ya stak’ ya xjeltaybet. Jich yu’un, jujun tul jch’uunjel, ch’ultesbilix sok mayukix castigo ta stojol, ta ora to, ni jauk ta patil. (Juan 17:1-3, 16-20; I Corintios 1:30; Efesios 1:18; 2:11-14; Judas 1).

2. Te ch’ultesel ta ora to

Ja’ me yat’el te Dios te Ch’ul Espíritu, ta banti práctica te ch’uunjel ya me yich’ pasel ta slok’ombaul Cristo. Ja’ in to, k’unk’untik me, te jch’uunjel ja’ me ya yak’ ta xkuxlejal jujun k’aal te Sk’op te Dios. Te ch’ultesel ta ora to progresiva me, te k’alal ya yich’ muk’tesel ya me stak’ te ya yich’ komel ta swenta xk’axintayel mandal, ta skaj te jch’uunjel yich’oj to te spokol kuxlejal, melel ma stak’ ta tubel ta banti kuxlejalil. Te spokol kuxlejal ya to me x’at’ej ta banti xkuxlejal te jch’uunjel, manchuk me lajemix ta stojol te mulil. Te bit’il te albil te ya sk’an ch’ultesbil jich bit’il te Dios ch’ulajem, mayuk me bi ora toj ya xk’ot te xkuxlejal, ja’ to teme k’ot ta stojol te Kajwaltik. Te Ch’ultesel ta banti xkuxlejal te jch’uunjel, ya me yich’ ak’beyel ta swenta te Sk’op te Dios ta swenta ch’uunjel ot’anil, xch’uunel mandal, sk’oponel Dios, te muk’ul ot’anil te binax yutsil, sok te disciplina.(Romanos 6:2, 6-11; 8:4; I Corintios 6:9-11; I Pedro 1:2; I Juan 1:9).

3. Te ts’akal ch’ultesel

Te ts’akal ch’ultesel ja’ me yat’el te Snich’an Dios, te jch’uunjel k’axel ya me yich’ k’atbunel ta slok’ombaul te Jesucristo. Te ts’akal ch’ultesel ma to me k’oemuk ta pasel, ja’ to teme ayix sok Kajwaltik te jch’uunjel, ta swenta lajel o ta swenta rapto ta stojol te mach’atik kuxajtik ta yorail te tael yu’un, ta ajk’ nax me te k’alal ya kich’tik k’atbunel ta biyilel te Cristo, k’alal te ya kiltik te bi yilel stukel. Jich yu’un te sbak’etal te jch’uunjel jich ya xk’ot te biyilel te Cristo ta yorail te cha’kuxel pero te bak’et swenta mulil yu’un te jch’uunjel ma ba ja’ to ya yich’ lajinel ta yorail te cha’kuxel yu’un te sbak’etal. Te sna’beyel sba ta lek te ts’akal ch’ultesel ya me slajinbey sk’oplal te purgatorio, melel te Cristo la me spasix te purificación yu’un spisil smul te jch’uunjel ta swenta te Ch’ultesel yu’un. (Romanos 6:5-6; 14:7-9; Efesios 1:14; 5:26-27; Hebreos 2:9-13; 10:9-14).

Jch’uunetik te bila ya yal te biblia ta swenta te bitik chiknantesbil, ángeles, sok te winik; ja’ in to ma me ba seña k’op nax, jun historia te smelelil te ja’ xchiknantesoj te Dios ma me ba evolución te k’unk’untik a chiknaj; te winik ja’ me chiknantesot yu’un te Dios, ma me ba talem ta yan kuxlejalil te ayik ta neelal; sok spisil te winik talem me sts’umbal ta Adán sok Eva, tul winik sok tul ants me, te ja’ik te sbabial me’il tatil yu’un te winik ants. (Génesis 1, 2; Colosenses 1:16-17; Juan 1:3).

• Te Bila ya yalbey sk’oplal te Autonomía yu’un te Iglesia Local

Jch’uunejtik te iglesia local ja’ me te jts’ob jch’uunjeletik te yich’ojik bautismo, stsoboj sbaik ta jun pacto yu’un ch’uunjel ot’anil sok ta banti lek yach’il k’op, yakalik ta spasel te ordenanzaetik yu’un Cristo, wentainbilik ta banti leyetik yu’un, yakalik ta stuuntesel te mant’aniletik te ak’bilik ta swenta de sk’op te Dios. Jch’uunejtik te yat’el te iglesia ja’ te xcholel te lek yach’il k’op ta stojol spisil te winiketik. Jkanantayejtik te iglesia local ay derecho yu’un te ya swentain sba ta stukel, libre me ay yu’un yantik jerarquíaetik o yantik organizacionetik, te mach’a nax te ya stak’ ya xwentainwan ja’ me te Cristo ta swenta Ch’ul Espíritu; ja’ nix jich te biblia ya yal te ya me skoltay sbaik te smelelil iglesiaetik ta tsalaw ta swenta te ch’uunjel ot’anil sok ta yalel te lek yach’il k’op; jujun iglesia local ja’ nax me ya xchap sbaik te bi xi ya skoltay sbaik; ta banti mebresía, reglaetik, gobierno, disciplina, sok te yutsil yot’anik, ja’ me ya xchap te iglesia. (Hechos 2:41-42; 15:13-18; 20:17-28; I Corintios 11:2; 12:12-13; Efesios 1:22-23; 3:1-6; 4:11; 5:23; Colosenses 1:18; I Timoteo 3:1-13).

• Te Ordenanzaetik yu’un te Iglesia Local

Jch’uunejtik te bautismo yu’un te jch’uunjel, ja’ me te ya yich’ mulel ta ja’ te jch’uunjel, junax me buelta swenta ya yak’ ta ilel te jun ayix sok te Jkoltaywanej te laj ta cruz, mujk’, sok te cha’ kux, te pajal a lajotik sok ta swenta mulil sok cha’ kuxojtik swenta jun yach’il kuxlejalil;
te Bautismo in to, ya me yich’ pasel ta yalanil autoridad yu’un te iglesia local; sok ja’ requisito ta swenta te menbresía yu’un te iglesia.

Jch’uunejtik te Cena yu’un te Jkawaltik ja’ me te sna’jibal bit’il laj ja’ to k’alal ya xcha’ tal, sok ya me sk’an te nel xchajpanej xkuxlejal te jch’uunjel. Jch’uunejtik te orden yu’un te ordenanzaetik: ja’ sbabial te bautismo, patil me te cena yu’un Jkawaltik, te mach’atik ya spasik te cena yu’un Jkajwaltik ja’ik me te jch’uunjeletik te yich’ojik bautismo. (Mateo 3:16; 28:18-20; Hechos 2:41-42; 8:36-39; Romanos 6:3-5; I Corintios 11:23-33; Colosenses 2:12).

• Te at’eletik yu’un te Iglesia

Jch’uunejtik te Jolol yu’un te iglesia xchajpanej cheb oficioetik yu’un te iglesia local, ja’ te pastor sok diácono.Ta 1 Timoteo 3 ya yal te biyilel ya sk’an te pastor sok te diácono. Te Pastor sok te diácono ma me stak’ te yijk’itayoj yinam o nujbinem sok sujt’em ants. Te bit’il ya xtojteswan te Ch’ul Espíritu ta stsael te winiketik in to, ta voto me yu’un te iglesia. Ma me stak’ yich’ ordenación te antsetik. Te sbabial oficio in to, te biblia ay oxeb k’opil te yak’obey ta stojol: ja’ te obispo, anciano, sok te pastor. Yanyantik me ya yalbey sk’oplal pero ta junax oficio. Jch’uunejtik te ma me yanuk a te anciano te ya xwentainwan sok te mach’a ya xbijteswan. Spisil te ancianoetik obispoetik me, jich yu’un ya me sk’an te chapalik yu’un ya xbijteswanik.

• Te Autoridad yu’un te Iglesia Local

Te Iglesia local ay me autoridad yu’un ta banti Jolol yu’un ta stsael te líderetik yu’unik, yak’el disciplina sok ta yak’beyel ta baja te miembroetik, sle’el mach’atik ya yalik sk’op Dios, stikunel misioneroetik, sleel te bi ora sok te banti ya stsob sbaik te banti ya spasik te cheb ordenanzaetik, sok te yilel o xchapel te stak’inik, xchajpanel te k’opetik yu’un te miembroetik. Te bantik ak’bil autoridad yu’un ek te pastor yu’un te iglesia local ya me sk’an te junax ay sok te iglesia. Te diáconoetik ya me skoltayik te pastor ta yilel sok ta swentainel te programaetik yu’un te iglesia local. (Marcos 10:11-12; Hechos 6:3-5; 11:29-30; 14:23; 19:39; 20:28-31; Romanos 7:1-3; I Corintios 5:1-13; 6:1-5; 9:11-14; Gálatas 6:6; Efesios 1:22; Filipenses 1:1; I Tesalonicenses 5:12- 13; I Timoteo 3:1-6, 10-13; 5:17-18; II Timoteo 4:2; Tito 1:5-9; I Pedro 5:1-4).

Jch’uunejtik te gobierno ja’ me yak’oj te Dios swenta slekil te winik ants; sok te ya me sk’an jk’oponbetik Dios ta stojolik, ya me kich’tik ta muk’, sok ya me jch’uunbetik sk’op, ja’ to me ma jch’uunbetik sk’op te me ya skontroinbe te sk’anjel yot’an te Kajwaltik Jesucristo te ja’nax sweintainejbetik te snopjibal ku’untik, sok ja Ajwalil yu’un ajwaliletik te ya xba taluk. (Daniel 3:17-18; Mateo 22:21; Hechos 4:19-20; 5:29; 23:5; Romanos 13:1-7).

Jch’uunejtik te rapto yu’un te iglesia ja’ me neel ya xk’ot ta pasel, patil me te woklajel sok patil me te mil ja’wil, ja’ in to, ya me stak’ xk’ot ta pasel biluk ora sok ya me yich’ik cha’kusesel te mach’atik lajemik ta swenta Cristo, ya me yich’ik ak’beyel bak’etalil te ay yutsil, ja’ nix jich te mach’atik kuxajtik ta swenta Cristo, ya me yich’ik ak’beyel bak’etalil te ay yutsil ma me ba ya smulanik te lajel, junax me ta spisilik ya yich’ik moel ik’el swenta ya xba staj sbaik sok te Kajwaltik ta banti ik’ antes me yu’un te jukeb ja’wil woklajel. (I Corintios 15:42-44, 51-54; Filipenses 3:20-21; I Tesalonicenses 4:13-18).