Iglesia Bautista Berea, te historia yu’un jajch’ ta 23 yu’un febrero ta ya’wilal 2012, k’alal te Hno. Francisco Velasco sok te Pastor Esteban Encinos la xchapik te ya xjachik jun yach’il familia ta banti muk’ul lum yu’un te San Cristóbal de las Casas.

Ta 2015, te congregación la spas ba ta organizar jich bit’il iglesia, ay 25 ta jtul miembroetik ta xjajch’ibal. K’ax tal te ja’wil, yakotik me ta at’el jich bit’il jtsojbojtik ta swenta ch’uunjel ot’anil te ja’nax jch’uunejtik te bila ya yal te Biblia.

Ta swenta te yalel te lek yach’il k’op sok te ay miembroetik te yak’oj sbaik ta yalel, ay bayalix municipioetik yu’un te Chiapas te banti k’oemotikix ta lok’el, jich bit’il Comitán de Domínguez, Chilón, Huixtan, Tenejapa, Oxchuc sok Ocosingo.

Ja’nix jich, te iglesia yak’oj sba ta yalel te lek yach’il k’op ta banti radio; neelal to tel la jmajantik te Radio Compasión, ta ora to, jun ya x’atejotik sok te Radio Bautista Redención, sok ach’ to nax la lok’estik te Radio Berea ta ya’wilal 2023, ay ta frecuencia 88.3 FM. Te at’el in to, mero me bayal sk’oplal swenta ya xk’ootik ta yalbeyel sk’oplal te lek yach’il k’op ta banti yach’ikil comunidadetik.

Ta ora to, te Iglesia Bautista Berea yakal me spasel te at’el ta xchajbanel jnopojeletik, ta spasel te bila albet jilel ta mandal ta banti Mateo 28:19-20. Ta spisil te bila pastajemix, ja’ nax me ta swenta yutsil yot’an te Dios, te ja’nax ay ta toyel ta alel yutsilal.